نجم اراب ايدول السوري عبدالكريم حمدان ينشر صورا لتدمير منزله بالقصف في حلب
وكالة الحرية الاخبارية -أعلن الفنان السوري عبدالكريم حمدان عن قصف منزله في حلب، بشكل عرضه للتدمير الكامل، لافتاً إلى أنها المرة الثانية التي يتم قصفه فيها.
نجم Arab Idol2 نشر صوراً توضح أثار الدمار التي خلفها القصف على منزل عائلته والشارع الذي تربى به، وكتب رسالة مبكية أعرب فيها عن بالغ تأثره، قال فيها: «هي المرة التانية الي بينقصف فيها بيتي وبيت أهلي بس هل المرة ماضل شي فوق الأرض، هي سوريا مالها اسرائيل، افهموا ياناس كل مرة بقول أنا فنان وما بدي أحكي بشي أله علاقة بالسياسة على مبدأ أنو خلينا ندعي بالمحبة والتسامح و الخير ل هالبلد اللي خرب ولسه نحن عم نتقاتل على أنو هاد مؤيد و هاد معارض بس انك تشوف البيت اللي تربيت فيه والحارة اللي لعبت على ارضها واللي كنت لما توقع ما كان غير هالأرض تحملك وتشيلك بحنانها صار حتى هو عالأرض و صار العمار تراااااب».
وتابع: «بتبكي من كل قلبك على شقا عمرك و عمر أهلك وأجدادك لحتى يأمنوا لك بيت تسكن فيه ويأويك بفرحك وحزنك وجرحك و ألمك اي حب و اي تسامح و أي خير لسه بده الواحد يدعي أله ارحموا من في الأرض يرحمكم من في السماء طبعآ هاد اذا بتعرفوا شي أسمه محبة ولا خير لهالبلد ما كفاكن خراااب لهالبيوت وتشريد وقتل لهالناس شو بدكن لسه!!!!».
وأضاف: «بيوت وحارات ما فيها حدا لا مؤيد ولا معارض حتى ما سلمت منكن ومن شركن شو بده الواحد لسه يحكي حسبنا الله عليكم بس هالبيت متله متل بيوت السوريين وما حيكون احجاره اغلى من قطرة دم طفل او جرح أم او دمعة شيخ و حرقة قلب أب تتهنوا بحجاره و حجار كل بيت سوري لأنه رح نرجع نعمره على قبوركن يا عديمين الرحمة».
