نورا العايق تشن هجوماً على نسرين طافش بسبب المتابعين
شنت الفنانة نورا العايق هجوماً على الفنانة نسرين طافش فيما يتعلق بعدد المشاهدات التي حققها فيدو كليب أغنية «123 حبيبي»، وشنت نورا هجوماً على طافش دون أن تسميها بالاسم حيث كتبت «لما بيكون عدد المشاهدات عاليوتيوب الساعة 3 بالليل طنعش ألف (12) والساعة عشرة الصبح بيصير 555 ألف معناها الشخص اشترى مشاهدات.
الخلاصة: إنت منزل الفيديو لتوهم حالك إنك محبوب ومهم، وتقنع حالك إنك متابع ولا مفكر إنو الناس أغبياء؟
كمان بدي نوه لشغلة في فرق كتير كبير بين إنك تكون مشهور وبين إنك تكون نجم
ممكن تكون مشهور وكتير كمان بكره الناس الك والناس يفوتوا يشوفو شو عامل من الكره مو أكتر، بس بالحالة اللي عم بحكي عنها فوق في احتقار وكره للشخصية لهيك في ناس مستحيل يقدروا يشوفوا وشو للشخص ولا حتى من باب الفضول متل سائر أفراد الشعب العربي لهيك بيضطر يشتري مشاهدات.
أما النجم من اسمو نجم مضوي ومبين ومحبوب، وممكن يكون موهوب وممكن لا بس الأهم محبوب كتير وعم يقدم شي يعجب الأكثرية.
تنويه: يا ريت كل واحد يتصالح مع حجمو قبل ما يتصالح مع باقي حالو لانو خلص قرفتونا يعني».
علماً بأن هذا ليس الخلاف الأول بين طافش والعايق حيث حصل خلاف قبل وأثناء تصويرهم مسلسل «الطواريد».
